Erwiteriti Website

Wüus uf dere page ke platz me het, hanimr iz en erwitereti Website zueta, hie: erwitereti page.

'Normandie & Bretagne' and 'Up With People'

zFotoalbum 'Normandie & Bretagne' isch iz o bi YahooPhotos. ussrdem hets dört nöi Biudr vo 'Up With People' mit dr Joyce (Xiao Yang) undm Gregor (siehe Foto) womr im Dezämbr mit mine Gescht vo Up With People (Joyce vo Taiwan, Melissa vo Belgie u Elizabeth vo Rom) ufe Gurte si. Um zum Album bi YahooPhotos zcho eifach ufs Biud klicke.

Ja?

Was ist der Unterschied zwischen einer Frau und einem Diplomaten?

Wenn der Diplomat "Ja" sagt, meint er "Vielleicht". Sagt er "Vielleicht" meint er "Nein". Sagt er "Nein" ist er kein Diplomat.

Wenn die Frau "Nein" sagt, meint sie "Vielleicht". Sagt sie "Vielleicht" meint sie "Ja". Sagt sie "Ja" so ist sie keine Frau.

Witz am Freitag

"Lebensgefährtin" ist ein Wort, das von Lebensgefahr abgeleitet wird.

!!!New Photopage!!!

Neu gits iz uf YahooPhotos no meh Fotos zgseh: Biudr vor Fasnacht zLuzärn, vo mim Geburi u vor Open House Party bim Gregor. To visit my Photopage click here.

Was zum Lachen

Wer gerne lacht: bide Fun-Links hets iz ungrangerem nöi eLink ufd Bill Body Homepage!

viu Spass :-)

Aufnahmebscheid!!

Juhui! iz isches offiziell: i bi inecho! i bi iVorkurs inecho! :-D soo cool!

Am 28. April chani dArbeite go abhole.

Am 14. Ouguscht 2006 faht dr Vorkurs a (u bis denn hani no Ferie! :-))

Billy Bob Thornton

"The closer you look, the less you see!"

Billy Bob Thornton als Ed Crane in The Man Who Wasn't There (2001) by Joel Coen.

The Man Who Wasn't There

Montag 6. März 06, 18. 30. ir Cinematte louft The Third Man. ä schnapsidee vomne Fium! isch e Krimi. woni bi chli gsi (ir nünte;-)) hani nämlech zBuech gläse. hami abr vom Buech nume no dra erinneret, das am Afang eine übrfahre wird (bent over by a car - ds hani denn müesse nacheluege, drum ischsmr blibe) u dassi am Schluss ir Kanalisation am schiesse si (aso dasme e Schuss ghört u so).

chürzlech hani e Vorschou gseh wo fougende Satz drinn isch vorcho:

"The closer you look, the less you see."

ds hani ächt cool gfunge! wüu normalerwis luegtme doch nöch häre um öpis besser zseh! :-) abr iz wonimrs so gnau ha agluegt hani gmerkt, dases zwe vrschidnigi Fiume si: hami nämlech scho gwunderet das dsZitat nid im Fium isch vorcho! abr dsZitat isch o us dr Vorschou vom Fium The Man Who Wasn't There (siehe Bild rechts) u dr Fium womr si go luege, isch zwar wük dä woni zBuech ha gläse abr heisst schliesslech o angrsch (The Third Man, siehe Bild links) u isch no viiu euter: vo 1949! Si haut beides änglischi schwarz/wiss fiume u dr dritt Ma i The Third Man isch denn wük nid da gsi! aso mou, es isch äbe none dritte ma dört gsi u si hei aui gseit es sige nume zwe gsi, drum hets när es Gstürm gä. :-)

aso i meine, ds gieng aues no, abr eis dütlechs azeiche drfür, dasme im fausche Fium hocket, isch we e Klass vom Gymer Köniz ne geit go luege ;-)

Ufnahmeprüefig Vorkurs

Vorkurs, Houpt-Ufnahmeprüefig

So, iz isch zWeekend düre und i hami langsam vode Prüefige erhout. Kreativ si (zmüesse) cha so asträngend si! abr het o gfägt. dVera usdr a Klass (Gymi - u vor Para-Klass Stienerschueu) u Jonas us dr c-Klass si o dört gsi. u süsch no dr brüetsch vo eim wo ir steinrschueu mau mit mir ir klass isch gsi (Benedikt Hädrich).

am erschte Tag (Donschti) heimr sächs churzi ufgabe gha u am Fritig ei grossi. hie dLinks zude ufgabe:

Donnerstag: 1. Aufgabe, 2. Aufgabe, 3. Aufgabe, 4. Aufgabe, 5. Aufgabe, 6. Aufgabe

Freitag: 7. Aufgabe

Ja das wärs gsi. am 14. März hani spetischtens Bscheid öbi bi inecho. und am 28. April chani dArbeite vor Ufnahmeprüefig und vode Husufgabe ir Schueu für gschtautig abhole. online chame die gseh, hie: Arbeiten Hausaufgaben, Arbeiten Hauptprüfung.

Metamorphose

7. Aufgabe: Am Frittig heimr zum Thema Metamorphose/Verwandlung (Joos und Gregor der Käfer lassen grüssen) drü Tonfigure u drü zeichnerisch/malerischi Arbeiten (Metamorphoseschritte). Figure usde Bereiche Pflanze, Ort, Person, Tier, Fahrzeug und/odr Sache, Ding hetme aso söue forme, u de umforme. när söume di Figure imne frei erfundne Ruum la ufträtte wi imne Theater me söu Stimmige, Atmosphäre u Farbwäute schaffe.

i ha mini Agenda gno, wosech usde Ringli e Schlange usewindet, wo när abhout um bimne Bluemetopf zumne Muschtr zwärde. und usm Blüemli i däm Bluemetopf wachst e wiblechi Schönheit. haha! (= drü Plastischi arbeite: Agenda mit Schlange, Bluemetopf mit Schlange, Bluemetopf mit Frou). när fürd Biudr hets fougendi Story gä:

me gseht es Büro mitemne Typ wo am Schribtisch hockt, telefoniert u seit, wart i nime grad schnäu dAgenda. links hinge ar Wand steit es Regau mitere Stereoalag, rächts hets es Fänschter wome i Garte gseht.

ir rächte Zimmrwand hets e Türe wo i Garte usgegeit, wome e Stäge gseht wo näbedrann e Bluemetopf mitere wisse Blueme steit. (Wasmr im Nachhinein isch ufgfaue, di Blueme gits! di heisst ganz komisch (Kalla), ghört abr zude Lilie. (siehe Abb. links - odr gröser hie). ufm zwöite Biud gsehtme zHus vo usse, u dr Typ wo mit eire Hang dFlöigevorhang (siehe Abb. rechts - odr gröser hie) ufd Site schiebt u sech mitr Angere entsetzt a Chopf grift bim Ablick vor Schlange wo grad dStäge abe u scho ume Bluemeteopf schlänglet.

ufm dritte Biud isch när zHuus rächts u links drvor risegross dr Bluemetopf mit Schlangemuschtr mit dr 'schöne' Frou (aso so wärs dänkt gsi. ufm biud hetsi när abr reichlech hässlech usgseh). im Hingrgrund gsehtme e düschtere Garte, u dunkli Wouche wo nume nöime Liecht dürelö, so dases grad ufd Bluemefrou faut use wine Erschinig belüchtet. links drvor steit dr Typ vo vorhär, wo vor Verzückig hiigrisse ufd Chnü faut. hehe. ds hani abr gchlauet vom Falconet. dä het ä Statue gmacht (siehe Foto vor Statue links odr im gröser hie) zum Mythos Pygmalion. u dä - dr Mythos - het Falconet säubr scho nöime gchlauet, nämlech - wi chönts o angrs si - bide 'Metamorphose' vom Ovid. im 10. Buech vode Metamorphose schribter vomne Künschtler namens Pygmalion wosech us Eufebei e Statue gmacht het wo so schön isch gsi dasersech ise vrliebt het u dVenus afleht se zbeläbe. (1) fürd Originalpassage vom Mythos uf dütsch eifach hie klicke: pdf-Datei. u witeri Biudr zum Mythos, Umsetzige vo diverse Künschtler (u. a. Jean-Léon Gerôme, Rodin odr Magritte) gits hie.

____________________

(1) Publius Ovidius Naso, Metamorphosen, Epos in 15 Büchern, Zehntes Buch, Vers 243-297, übersetzt und herausgegeben von Hermann Breitenbach, Zürich, Artemis Verlag, 1958.

Zurück zu den anderen Aufgaben: Ufnahmeprüefig Vorkurs

Schoko-Kopf

6. Aufgabe: aus letschti Ufgab am Donschti heimr e Moorechopf abzeichnet: "Ich esse meinen Schoko-Kopf" :-) Machen Sie eine Reihe von Studien Ihres Schoko-Kopfs. mit Farbstift, u ohni Händ u Gsicht, nume winr immr chlinr wird :-) drbi hani garnid möge Morechopf ässe! abr isch no guet useche. brune schoko-kopf, blaus papirli.. dasch no würkigsstarch :-)

Zrüg zur Ufnahmeprüefig Vorkurs

Gschichtli

5. Aufgabe: di füfti Ufgab isch no cool gsi. mir hei es Gschichtli vorgläse becho u geng nach 1-2 Sätz heimr zwe minute Zit gha umnes Biudli ds zeichne (mit Blofi). drfür heimr es Blatt becho wo di entsprächendi Azaau Quadrat druf het gha zum drizeichne. zGschichtli isch gsi vo einere wo grad het duschet u sech dHaar föhnet. Der Föhn bläst sehr stark. (erschts Biud)

Der Föhn bläst so stark, dass die Gedanken aus dem Kopf fliegen. (zwöits Biud)

Ein Gedanke an bevorstehendes Schlittschuhlaufen landet auf der Strasse und wird fast von einem vorbeifahrenden Tracks überfahren. (dritts Biud)

Ein anderer Gedanke, an gemeinsame romantische Stunden auf dem Sofa, bleibt in einem Baum hängen (vierts Biud)

drum hetsi dr Föhn widr absteut (füfts Biud)

u isch id Chuchi sech es Glas Wasser go ischänke. (sächsts Biud)

plötzlech erhebt sech e Sturm im Glas wo es paar Gedanke si i Seenot cho (sibts Biud)

Der Kopf ist rund, damit die Gedanken die Richtung wechseln können. (achts Biud) (so tumm!!!) easy. när:

Draussen schiesst man zum Entsetzen (weis nüm vo wem) auf Spatzen (nünts Biud)

In der Küche verwandelt sich eine Maus in einen Elefanten. Die Mutter schimpft man müsse doch nicht gleich aus jeder Maus einen Elefanten machen. (letschts Biud)

Zrüg zu Ufnahmeprüefig Vorkurs

Zrüg zude Biudr vor Ufnahmeprüefig ufdr nöie Page: hie

Collage

4. Aufgabe: di vierti Ufgab isch ganz stressig gsi. mir hei öppe zwöuf Bletter becho womr drus züg hei chönne usschnide fürne Collage wo när es Bünebiud hätt söue ergä zumne Stück womr säubr erfinge! (aso scho nume dr Titu). dört hani drü Ouge usgschnitte und eGiraff, e Bär und es komischs Meertier woni diOuge montiert ha. när hani die ufemneHügu montiert und mis Stück "Die Monster vom Berg" gnennt. für meh hets nid glängt u ha mini lösig nid grad hittig gfunge. de hetsmi grad agschisse.

Zrüg zur Ufnahmeprüefig Vorkurs

Tisch

3. Aufgabe: di dritti Ufgab isch e Tisch gsi. es wisses Blatt mitemne Tisch us schwarze Linie. Ergänzen Sie die vorliegende Zeichnung so originell und fantasievoll wie möglich. Tja, aus erschts hani gfunge i wöu dr Tisch umchehre und ufd Tischplatte steue. abr ds het scho dHeufti vor Zit brucht (u mir hätte schliesslech meh aus eis söue mache!) u damiti druschume hani mit Tipex di 'störende' Lini usglöscht u de hani dr zwöit Satz ufm Blatt gseh: Respektieren Sie den gegebenen Bildraum und den Charakter der Zeichnung. Na? ja de hetsmi agschisse u i hanes nöis gno. ha drü vrcherti Stüeu ufe Tisch gsteut u e Stoubsugr drvor, hinge zwe Fänschter und en offni Türe (zum lüfte;-)). när hani es nöis Blatt gno wo eine ungerem Tisch ligt und es Tischbei asaget und eine zur Tür inechunt und wüetig driluegt. denn isch Zit scho fasch düre gsi und i ha zerschte Biud nomau zur Hand gno und ha näbe umgchert Tisch ä Typ ufm Rägge zeichnet wo dBei überschlage het u näbedrann e Bohrmaschine mitemne Stecker, e Schrube und e Steckdose.

Zrüg zur Ufnahmeprüefig Vorkurs

Zrüg zude Biudr vor Ufnahmeprüefig ufdr nöie Page: hie

Waud

2. Aufgabe: aus zwöits himr mit Gouache müesse Waud zeichne. 'Im Wald'. Malen sie aus der Erinnerung und der Vorstellung. Dabei sind in erster Linie die Atmosphäre und die Stimmung des Waldes wichtig. ... Scheissufgab. hanes wundrbars Gchribu ufs Blatt bracht, nei, es Gschlirgg! drbi hättimr eich dunkle Waud und e Liechtig unes Wägli vorgseut.. abr isch nid geng eifach.

Zrüg zur Ufnahmeprüefig Vorkurs

Söili

1. Aufgabe: Aus erschts heimr zumne Biudli (siehe Bild - dBeschriftig, fausmese bi dere Biudgrössi übrhoupt cha läse, die isch vo mir u heisst: Max, Lisa, Fredi; Pfeil nach obe links: Henry/Haustüre, Pfeil noch oben rechts: Betty/Kühlschrank) müesse uf (höchschtens) zwe Site drü churzi Tegscht schribe zu 'Ach, wäre ich doch ein richtiges Schwein', 'Kommt, reden wir von unserem Schöpfer' u 'Eine Dreiherbeziehung'.

Zrüg zu Ufnahmeprüefig Vorkurs

Lozärner Fasnacht

Zischti, 28. Februar 2006: zLuzärn isch Fasnacht! (heitr ds gwüsst? ig o nid) mit minere Cusine Petra bini geschtr u hüt ad 'lozärner' Fasnacht um 'lözärner' Guggemusig go zlose! so isch das. Für meh Fotos eifach ufs Biud klicke!

J. Lo

"Life is too short to live the same day twice."

J. Lo as Charlie in Monster-in-Law (2005) by Anya Kochoff

Match Point

Samstag, 25. Februar, 17:30. im Chino Buebebärg louft Match Point. Eich hetmi dr Fium positiv übrrascht, bine wägdr Scarlett Johansson go luege, was normalerwis sehr schlächt isch (i meine e Fium nume wägemne Schouspiler go zluege, egau um was dr Fium geit!). Abr scho gli hanimi müesse frage: was söu das? e Gseuschaftssatire? ;-)

zum Plakat: dr Typ erklärt ar Scarlett wime Tisch-Tennis spiut! ;-) är isch Tennis-Lehrer... u wasr denn nonid weis: si isch di Vrlobti vom Typ wone a die Party iglade het (dr Brüetsch vo dere wonr när hüratet). Das füert zu Konflikte!

Lebensmotto als ich 13 war

 

"Wirklich schwer und unlösbar sind nur die Probleme, die man nicht formulieren kann, weil sie die Problematik des ganzen Lebens zum Inhalt haben."

Zitat Kafka

Kafka

"Jeder, der sich die Fähigkeit erhält, Schönes zu erkennen, wird nie alt werden."

Franz Kafka

Faust

"Es irrt der Mensch solang er strebt."

(J. W. von Goethe, Faust I, Vers 317)

Nathan

"Kein Mensch muss müssen."

(G. E. Lessing, Nathan der Weise, Vers 385)

Maître Eckhart

"Si tu remerciais Dieu pour toutes les joies qu'il te donne, il ne te resterait plus de temps pour te plaindre."

Maître Eckhart

Hey zäme!!!

Härzlechi gratulation! du hesch grad dr eutischt iitrag uf mire page gfunge!

Aus erschte Itrag möchti natürlech erwähne, dasi hüt es Schribe ha erhaute mitdr Mitteilig, dasi ad Houptprüefig füre Vorkurs iglade bi. juhui! ...abr ds heisst ja no nüt.

I cha nume säge: enjoy life! u we mini page e Bitrag drzue cha leischte um so besser!

Take care! Rosa